MEHA KESKESORÊ (Çiya Mazi)
Mart 20, 2009 by argun
Filed under 4-Nivîskar
Sebra xwe î te dikişand
ji hinavên dilşikesti
Berî ewrên çilesrî
Berî zîpikek bêbext
Berî av bigire ser rê
Heyşt hilman jê bigihîne min
Di biharê de diyar dibin
xweşî û nexweşiyên min
Li ser devê min şanzdeh kevir
Çeqçeq nayê ji diranê min
Destmalên ciwan paqij dikin hêsirên min
Bi biryarim biqetînim qeyd û merbetên xwe
Bi biryarim û nêzîk maye adar
Were…
Binuhurîne li ber serê min
Bîst û carekê bilîrîne
Bila dengê te bê min
Tevlî bêhna bi hezaran bilbizêk re
Bişîne şînika xwe î bi qul
Ezê bi porê kurê xwe vekim
Were…
Berî zewêdiyên keskesora bi dizî
Berî tarî têkeve erdê
Bide ser hev perçeyên tavê
Û bigihîne min şewqa wê
Bila germ bibim
Bila germ bibim ji awirên te
Reşemî 2002
Çiya Mazi